Дефиниција на терминот Управување Со Магацин може да се најде и на Википедија
Како функционира WMS
Секоја компанија која може да користи WMS има свои специфичности. Затоа и системот кој се користи треба да биде имплементиран да соодветствува на начинот на работа според процедурите и процесите кои ги има компанијата. WMS системот кога е добро имплементиран во Вашиот магацин треба да ги даде следните ефекти;
WMS обезбедува точна и навремена реализација на задачите во магацинот
Задачите кои ги исполнува магацинот најчесто се задаваат од одделите за набавки и продажби. Многу често се случува комуникацијата меѓу овие оддели и магацин да биде многу интензивна, неформална и со многу недоразбирања. Ова вообичаено се предизвикува многу потрошено време за да се разјаснат настанатите недоразбирања. Понекогаш недоразбирањата завршуваат и со погрешна испорака, што претставува значаен трошок за компанијата, но и губење на кредибилитетот кај деловните партнери.
Овие проблеми се надминуваат со воведување на WMS кој има процедури за транспарентна размена на овие информации помеѓу различните оддели. Во таков случај задачите веднаш по настанувањето се видливи во системот. Превземените активности по секоја задача се регистрираат во WMS во реално време. Тоа значи дека и статусот на реализацијата на задачите е достапен за и тие кои ги задале.
Следствено ова веднаш ги намалува недоразбирањата помеѓу одделите и грешките кои настануваат заради тоа. Заштедите во време за разјаснување на комуникацијата и отстранување на направените грешки се значајни. со тоа се скратува времето потребно за реализација но и се зголемува рејтингот на компанијата кај партнерите.
Е-Кинга: 10 Совети За Управување Со Магацин
Внесете ја Вашата емаил адреса и ние ќе Ви испратиме PDF со овој водич.
Превземете го вашиот БЕСПЛАТЕН PDF
WMS обезбедува точна состојба на залихите на стоки
Правењето на попис на залиите со WMS е многу побрзо и поедноставено
Со самиот факт дека WMS обезбедува точна залиха на стоките, потребата за правење на редовни пописи се намалува. Во овој случај, бидејќи WMS точно ја лоцира позицијата на залихата, времето кое е потребно за да се изброи залихата е многукратно памало.
Со користење на методите за цикличен попис, правењето на редовен комплетен попис сосема се елиминира. Сето ова води кон заштеда на време и трошоци за вработени, бидејќи пописите се прават за време на викенд кога магацинот не работи, без да биде намален квалитетот на работењето.
Бенефити од користење на современ Систем За Управување Со Магацин
Јасно е дека Системите За Управување Со Магацин можат да направат многу подобрувања за компаниите во смисла на ефикасност и точност. Но има и работи кои не можат да бидат остварени доколку не се имплементира WMS. Некои од нив се:
Креирање на автоматизирани извештаи
Во услови на интензивно и динамично работење фокусот на менаџментот на магацинот треба да се насочи кон подобрување на работењето, а тоа не е возможно доколку тие треба континурано да прегледуваат извештаи и да ги утврдуваат недостатоците. Една од задачите на WMS е да креира корисни извештаи и да ги направи достапни во моментите кога се потребни
Адаптибилност на системот да расте како што расте Вашиот бизнис
Фактот дека WMS е местото каде што се регистрираат сите активности при реализација на задачите, тој е местото каде настануваат конечните промени на статусите, Добра имплементација на WMS на компанијата може да и донесе дополнителни заштеди во време и трошоци за изработка на фактурите кон купувачите и нивна следливост во сметководствениот систем
Интеграција со други системи
Најчест облик на интеграција е преку EDI (Electronic Data Interchange). EDI овозможува електронска размена на податоци помеѓу трговските партнери без учество на човек. Тука спаѓаат: Нарачка, Потврда на нарачка, Испратница, Фактура, Извештај за залиха и др.
Независно од големината на компанијата или буџетот кој го има, имплементација на WMS обезбедува заштеда на време и пари. Доколку направите споредба со Вашиот моментален систем ќе видите дека немањето на соодветен систем ве спречува да ги достигнете Вашите цели.
Потребен Ви е WMS?
Сигма-СБ има долгогодшно искуство во имплементација на системи за управување со магацин.
Искористете ја можноста преку необврзувачки консултативен разговор, врз база на Вашата специфична ситуација да дознаете кои бенефити може да ги има Вашата компанија.
