Вистински Систем За Управување Со Магацин (WMS) дава одлични резултати, но само кога е имплементиран правилно. Добра имплементација на WMS може да помогне операциите во магацинот да бидат поефикасни. Во текстот подолу е дадена листа на грешки при имплементација и како тие можат да се избегнат.
Добрата подготовка за имплементација на WMS ќе Ве заштити од многу главоболки
Најдобрата работа која може да ја направите при подготовките за Вашиот WMS е да се научи од грешките кои ги правеле другите пред Вас при имплементација на WMS кај нив. Листата подолу треба да ви помогне да избегнете да ги направите истите грешки.
1. Периодот за имплементација е краток
Најголемата грешка при имплементација на WMS е очекувањето дека тоа може да се направи брзо и безболно. Компаниите сакајќи да постигнат резултати што е можно побрзо го скратуваат планираниот рок за имплементација. Имплементацијата на WMS е подолг процес, поточно трае најмалку 6 месеци. Бидејќи WMS не е само автоматизирање на веќе постоечкиот начин на работа, туку носи нов концепт на работа, неизбежно е тоа да се случи во повеќе инкрементални чекори. Потребно е постојано усогласување и оптимизација на активностите на вработените и WMS системот. Подобрувањата во процесот на работа ќе се случуваат континуирано во подолг период после инициајлниот почеток на користење на системот.
2. Нема јасни цели што треба да се постигне со новиот систем
Многу често има примери кога компаниите кои сакаат да имплементираат WMS, немаат јасна претстава што сакаат да постигнат со имплементацијата.
Системите За Управување Со Магацин се комплексни технолошки системи на кои се темели целокупното работење во магацинот и затоа одлуките не смеаат да се прават импулсивно и емотивно. Едноставно не можете да набавите систем и од него да очекувате разултати кои тој систем не може да ги испорача.
Мора да имате во предвид дека Вашиот WMS не е алатка која ја набавувате еднаш и таа ќе ги покрие сите идни потреби. Системот континуирано мора да еволуира за да ги поддржува долгорочните стратегии и цели. Во исто време тој треба да биде прилагодлив кон потребите кои ги диктираат моментните услови во компанијата и пазарот.
Кога сакате да започнете имплементација на систем прво што треба да се направи е да се услогласи функционалноста со моменталните потреби на компанијата земајќи ги во предвид идните потреби.
3. Магацинот не е подготвен за работа со WMS
Во реалноста никој нема да купи мебел кој треба да се состави, ако нема обезбедено алат за составување, бидејќи тогаш ќе гледа само кутии со мебел кој не користи за ништо. Истото важи и за вашиот WMS. Не е воопшто добро да се купи софтвер, ако немате услови да го користите, бидејќи нема да ги добиете резултатие кои ги посакувате.
Софтверот е добар само колку што е подготвен Вашиот магацин каде го имплементирате. Вие мора да ги обезбедите основните предуслови за да може WMS да ги даде максималните резултати.
