Не можам точно да ви кажам како и кога настанала Сигма-СБ туна салатата, но со сигурност можам да ви кажам дека долго време го зазема првото место за доручек во Петок. Да, секој Петок. Најдобриот бенефит од тоа е што секој Петок знаете што имате на мени за доручек. Па би сакала да ви ја кажам тајната како да направите совршена Сигма-СБ туна салата.
Пред се прво мора да имате лице кое прави список колку слатати треба да се направат и кои намирници фалат за да се набават. Откога сте го завршиле списокот за набавка и знаете точно колку салати треба да се подготват, списокот се предава на друго лице за набавка.
Ова се продуктите кои се потребни за да подготвите Сигма-СБ туна салата:
- Марула
- Домат
- Морков
- Кисели краставички
- Спанаќ
- Пиперка блага
- Кромид
- Пченка од конзерва
- Туна
- Магдонос
- Маслинки (по избор)
- Луто пиперче ( по избор)
- Доматен сос ( по избор)
Откако ќе стигне набавката, следува припремата:
Како прво мора да имате Шеф на кујна – лице кое е главен мајстор и дава понатамошни упатства за подготовка. Понатаму, еден е задолжен за миење на сите производи. Прво се мие марулата и спанаќот па се предава кај друг за сечење. Трет лупи и ренда морков. Четврт сецка кисели краставички. Петтиот сецка кромид, домат….итн. Се сече лебот, се отвараат туните, се бројат салати потребни за подготовка, се вадат тањири и започнуваме.
Редоследот во принцип е следниов: прво ставате марула, па морков, домат, кисели краставички, спанаќ, пченка, кромид… и туната на крај. Сол, балзамико (по желба), останати зачини секој по желба и Сигма-СБ туна салатата е готова. Гарантирано превкусна.
Но, запамтете, салатата мора да биде подготвена од целиот тим. Бидејќи како што кажал George Shinn: ” There is no such thing as a self-made man. You will reach your goals only with the help of others..”
Bon appétit 🙂
